වසරේ චිත්‍රපට (මගේ තේරීමට අනුව).

2008 ඉවර වෙන්නත් ඔන්න මෙන්න. (ඇති යාන්තම්) මේ අවුරුද්දේ ජීවිතයේ විවිධ සිදුවීම් රැසකට මැදිව උනත් මට බලන්නට පුලූවන් වෙච්ච විශේෂ චිත්‍රපටි කිහිපයක් මේ. (ඉස්සරනම් මම නොසෑහෙන්න film බලනවා.දැන් නම් බලන්නැති ගානයි)

Dark Night - ඒකාකාරී චපල ක්‍රියාදාම චිත්‍රපටියක් බලන්නට සැරසී සිටි මට බලන්නට සලස්වා තිබුනේ මින් පෙර දැක නොතිබූ අයුරින් මිනිස් සිතුවිලි ඉතා සියුම් ලෙස උලුප්පවා හාරා ගොඩ දමා තිබූ ක්‍රියාදාම(නොවූ) චිත්‍රපටියකි (මහන්සියි). චිත්‍රපටය තුළ පුරාවටම විහිධි තිබුණු අන්ධකාරයට සමගාමීව නිර්මාණය කොට තිබූ සංගීතය Dark Night තුළට එක් කර දුන් බිහිසුණු බව බෝම්බ දහසක් පුපුරනවාට වඩා වැඩි බැවි මගේ හැඟීමයි. මෙහිදී මිහිපිට ජීවත් වන්නේ නැති චරිතයක් ඉතාමත් තාත්වික ලෙස රඟපා ජීවිතයෙන් වන්දී ගෙවීමට සිදු වූ Heath Ledger ගේ චරිතය ගැන කතා කළ යුතුමය. එම චරිතය ඔහුට හැර වෙන කාටවත් කරන්නට බැරි බවයැයි මගේ හැඟීමයි(තව ටිකයි). මෙවැනිම රංගනයක් වසර කිහිපයකට පෙර "පුන්තිලා" වේදිකා නාට්‍යයෙහි හී නිහාල් සිල්වා රඟනවා මා දැක ඇත (හැබැයි VCD එකක). Dark Night 2008 මගේ ලිස්ට් එකේ පළමු තැනයි.

Die Hard4 - පරණ තේමාවක්. නමුත් නියම ක්‍රියාදාම චිත්‍රපටයක් (ඇඟ කිලි පොලා යනවා).

I'm a sex adict - (නමට බයවෙන්න එපා) අධි තාත්වික වාදී චිත්‍රපටියක්. සිනමාව සීමා රහිත කරලා. සිනමාකරණය ගැන ගොඩක් දේවල් ඉගෙන ගත්තා.

No country for old man - පොඩි සිදුවීමක්, චරිත කිහිපයක්, හොඳ නිර්මාණයක්. පළමු වර බැලුවිට හරිහැටි තේරුම් ගියේ නැතත් බැලු දෙවැනි වර තේරුම් ගත්තා. (හොඳ වෙලාවට original DVD එකක හම්බ වුනා)

Machan - විනෝදජනකයි. හොඳට හිනා වුනා. අපි ඉන්න අපේම සමාජයේ අපේම හිස්තැන් වලට. නලු නිලියන්ගෙන් වැඩ ගන්න දන්න අධ්‍යක්ෂක වරයෙකු යටතේ කිසිම විශේෂ ප්‍රතිරූපයක් ගොඩනගා ගෙන නැති (වැඩි දෙනෙක්) නලු නිළි කැළකගේ විශේෂ රංගනයන්. නිර්මාණය හිතට කාවදින ලෙස තිබ්බා. කොච්චර හිතට වදිනවද කිව්වොත් ලංකා පිල තරඟයෙන් ගෝලය ලබා ගත් විට මා සිටි සිනමා ශාලාවේ සිටි ප්‍රේක්ශකයින් අත්පොලසන් දුන්නා.