dolphine බලන්න trip එකක්

ගිය සෙනසුරාදා ගියා trip එකක්. තේමාව තමයි dolphine බලන එක. තැන කල්පිටිය. අර අටපට්ටමෙ ලංකාවෙ dolphineල ඉන්නව  කියල පෙන්නුව කියන්නෙත් මෙතන තමයි. ගියේ ගිණි පාන්දර(ආවෙත් පාන්දර). නැවතුනෙ.... (මතක නෑ). උදේට කාලා 10ට විතර බෝට්ටුවට නැග්ගා(18 දෙනෙක් හිටපු හින්ද 6 ගානෙ බොට්ටු 3ක් තිබ්බා). බෝට්ටුවෙ මුහුදෙ යන්නෙ 1st Time හින්ද මුල ටිකෙ පන බයේ හිටියෙ. ෆුල් තද වෙන්න life jacket දාලා අත් දෙකෙන්ම බෝට්ටුව අල්ලල ගෙන. ගිණි කාස්ටකෙ.

ටිකක් දුර ගියා. දැන් බය ටිකක් අඩු වෙලා. බෝට්ටුවෙ එහාට මෙහාට ඇවිදල් බැලුවා. අපරාදෙ කියන්න බෑ හොඳ හයි හත්ටියට හදල තියෙනවා. හැබැයි භූමි තෙල් ගඳේ බෑ. ඒ අස්සෙන් බොට්ටුව එලවන එකා ගහනව තඩි බීඩියක්. එකපාරටම අපිට ඉස්සරහින් ගිය බෝට්ටුව නැවත්තුවා. අම්මට සිරි dolphins ලවත්ද? මොන, තඩි කැස්බෑවෙක්. දැල් වලට අහු වෙලා මැරිලා. පාවි පාවි ඉන්නවා. අපෙ කස්ටිය photo ගහනවා එකසිය ගානට(මාත් ගැහුවා). පැය භාගයක් විතර කැස්බෑවගෙ වටේ කැරකි කැරකි ඉඳලා උගෙ මරණ පරීක්ශනෙත් කරල ආයි පිටත් උනා යන්න. ආයි dolphine.

ඔය විසිල් එක ගහන එකා වයසට ගියාට හෙන දසයා. අපෙ office staff එකේ හෙන තදයෙක්. කනක් ඇහිලා ඉන්න නෑ.

තව පැයක් විතර ගියා. මොන dolphine ලද? (මට නම් දැන් රැලි ගහන ඒවත් පේන්නෙ dolphineල වගෙ) ඒත් එලවන එකා නම් අරින්නෙ නෑ. හරියට යාල අලි බලන්න ගියාම අපිව කඩේ යවන උන් වගෙ තමයි. මට නම් මල පැනලා හිටියේ. ඒ අස්සෙන් දාඩිය දානවා ඉන්න බෑ. කොහොම හරි පැය දෙක තුනකට පස්සෙ ආයි ගොඩට ආවා. සාලයෙක්වත් දැක්කෙ නෑ. අර මැරිච්ච කැස්බෑව විතරයි. හැබැයි මුහුදෙ 1st Time හින්ද පොඩි kick එකක් නම් තිබ්බා.

ඊට පස්සෙ දවල්ට කාලා. පොඩි ක්‍රිකට් පාරක් ගහල. නාලා. සින්දු කියල එන්න ආවා. එච්චරයි. හැබැයි මතක තියාගන්න කවුරු හරි dolphine බලන්න යං කිව්වොත් එහෙම කල්පිටියටනම් යන්න එපා එතන මහ වංචාවක් කරන්නෙ. කාලයක් නම් ඉන්න ඇති. ඒත් දැන් නම් නැතුව ඇති කියල තමයි පෙන්නෙ. ඒත් අහල පහල ඉන්න උන් ඒක business එකක් කරගෙන. යාල වගේම තමයි.




7578