(චිත්‍රපටියක විස්තර) Invictus - ගන්න නායකත්වය

මම ආසම චිත්‍රපටි අධ්‍යක්ෂකවරයා Clint Eastwood මහත්මයා. එයා ඒ දවස්වල රඟපෑම විතරයි කලෙ (for few more dollars එකෙත් dirty hary එකේ රඟපෑවෙත් ඔහු) ඒත් දැන්නම් ඔහු අධ්‍යක්ෂණය තමා වැඩිපුර කරන්නෙ. ඔහු ඔහුගෙ නිර්මාණ වලින් ඇමරිකානු සමාජයට විහිළු කරනවා වගෙ හැඟීමක් තමයි මට තියෙන්නෙ. මම සාමන්‍යයෙන් එයාගේ film එකක් ආවම කොහොම හරි ෆලෝ කරල බලනවා. එහෙම එලවල බලපු මම වඩාත්ම කැමති  film එකක් තමයි Million Dollar Baby කියන film එක. ඒක තමයි මම වැඩියෙන්ම බලපු චිත්‍රපටිය. මට මතක විදියට 8 පාරක්.

ඉතින් ක්ලින්ට් මහතාගේ අලුත්ම film එක (අලුත් කිව්වට 2009. ටොරන්ට් වලට අලුත්) තමයි "Invictus" . මෙහි ක්ලින්ට් ගෙ සහයකයා Morgan Freeman සහ Matt Damon ප්‍රධාන චරිත රඟපානවා. මම නම් මේ දෙන්නව එකට දැක්කමයි. ඔවුන් දෙදෙනා නිරූපණය කරන්නෙත් එසෙ මෙසේ දෙන්නෙක්ව නෙමේ. Nelson Mandela සහ Francois Pienaar ව. Francois කියන්නෙ දකුණු අප්‍රිකාවේ රග්බි කණ්ඩායමේ හිටපු නායකයෙක්. මේකෙ තියෙන්නෙ මේ දෙන්නගෙ සහයෝගයෙන් දකුණු අප්‍රිකාව 1995 රග්බි ලෝක කුසලානය දිනපු විස්තරය. එහෙම කිව්වට එහෙමත්ම නෙමේද මන්ද. මට අන්තිමට හිතුනෙ මේ මුළු කතාවෙන්ම කියවෙන්නෙ නායකත්වය ගැන කියල.

කතාව පටන්ගන්නෙ මැන්ඩෙලා ජනාධිපතිවරණය දිනපු අලුත විස්තරයත් සමඟ. ඒ වෙනකොට දකුණු අප්‍රිකානු රග්බි කණ්ඩායම වටෙන්ම කන කාලෙ. ඉතින් අප්‍රිකානුවන්ට රග්බි අරහන් කලෙක නායකය තමයි ෆ්‍රන්සුවා කණ්ඩායමට නායකත්වය දෙන්නෙ. අනිත් අතින් මැණ්ඩෙලාගෙ පාලනය ගැන මුළු ලෝකයම ඇහැ ගහගෙන ඉන්න කාලෙ. විශේෂයෙන්ම සුදු අප්‍රිකානුවො. බලන් ගියාම ඔවුන් දෙදෙනාම ඉන්නෙ එකම බෝට්ටුවෙ. කතාව පුරා තිබෙන අයුරු මේ දෙන්නම නියම නායකත්වයත් සමඟ භාදක වලින් ජය ගන්න විදිය ඉතා හැඟිම්බරව ප්‍රකාශ කර සිටිනවා. ඒකට රග්බි ක්‍රිඩාව ඔවුන්ට උදව් වෙනවා.

අන්තිමට  කතාව, හොඳ අධ්‍යක්ෂනය වගේම අතිවිශිෂ්ඨ රඟපෑම කියන ඔක්කොම එකතු වෙලා හොඳ සිනමා නිර්මාණයක් හැදිල තියෙනවා. ඊට නිර්දේශ වූ හා ලබා ගැනීමට හැකි වූ සම්මානවල විස්තරය මෙතනින් බලන්න. බලන්න ආසයිනම් ටොරන්ට් බාගන්න මෙතනට යන්න. trailer එක බලන්න මෙතනට යන්න.


7835